नेपाली समय:
अडियो सेवा
मोडेल
नेपाली पात्रेा
अन्य
राष्टिय स्तरका लिकं
स्थानीय समाचार :
Nov 25, 2017
महिला हिंसा विरुद्ध १६ दिने अभियान शुरु
 महेशसिंह महतो,
लहान,८ मंसिर । लैगिंक हिंसा अन्तका लागि सबै जुटौ कोहि नछुटौ भन्ने राष्ट्रिय नाराका साथ आज देखि १६ दिने २६ औं अन्तराष्ट्रिय महिला हिंसा बिरुद्धको अभियान सिरहामा पनि शुरु भएको छ । ओरेक नेपालद्धारा लोकतान्त्रिक गणतन्त्रात्मक नेपालको मुलधार, महिलाको हिंसा बाच्न पाउने अधिकार भन्ने मुल नाराका साथ आज लहानमा पत्रकार सम्मेलन अभियानको शुरुवात गरेको हो । समाजमा रहेको संरचनात्मक विभेदका अन्त्यका लागि महिलालाई हेर्ने दृष्टिकोणमा परिवर्तन गरी महिलाले आत्म सम्मानपुर्वक जीवनआपन गर्न सक्ने उचित वातावरण निर्माणका साथै महिलाको न्यायमा पहुच सुनिश्चितताका लागि पैरवी गर्नु रहेको छ । भन्ने मुख्य उद्देश्यका साथ आज १६ दिने अभियानको थालनी भएको हो ।


ओरेक नेपाल सिरहाको वार्षिक अभिलेखिकरण अनुसार जनवरी १, २०१७ देखि नोभेम्बर २३, २०१७ सम्मका १६७ वटा महिलामाथि भएको हिंसाका घटना रिर्पाेटिंग भएका छन । त्यसमा मुक्ति नेपालको अभिलेख अनुरुप थप २ गरी जम्मा १६९ वटा महिला हिंसा सम्बन्धि घटनाको अभिलेखिकरण भएको जानकारी मानव अधिकार संरक्षक केन्द्र संजाल सिरहाका संयोजक गंगा अधिकारीले गराउनु भयो । कार्यक्रममा पत्रकारहरुको जिज्ञासालाई मानव अधिकारकर्मी सुनिल कुमार साह, जिवछी यादव लगायतका अधिकारकर्मीले जानकारी दिएका थिए ।

लहानलाई व्यापारिक राजधानीको रुपमा विकास गर्ने ः विजय गुप्ता
लहान, ८ मंसिर । मोहन वैद्य नेतृत्वको नेकपा माओवादी क्रान्तिकारी माओवादीको चुनावी मोर्चाले घोषणापत्र सार्वजनिक गर्दै सिरहा क्षेत्र नं. १ को ‘क’  का उम्मेदवार विजय गुप्ताले भ्रष्टाचारीलाई कारवाही गर्न शसक्त कानुन बनाउंने बताउंनुभयो । 


आज लहानको रेडियो सौगातमा सो पार्टीका युवा नेता तथा चुनावी मोर्चा देशभक्त जनगणतान्त्रिक मोर्चा नेपालका उम्मेदवार गुप्ताले संसदबादी दलहरुलाई यथास्थितिबादी भन्दै अहिलेका प्रमुख भनिएका राजनीतिक दल र सरकारको राजनीति भण्डाफोर गर्ने तथा उनिहरु चुनावपछि पनि नसच्चिने भएकाले मुलुकको बैकल्पिक शक्ति माओवादी क्रान्तिकारी भएको दावी गर्नुभयो ।
अहिलेको संघीय संरचना गलत रहेको भन्दै उम्मेदवार गुप्ताले उत्कृष्ट भनिएको संविधान अपुरो रहेको तथा परराष्ट्र नीति पञ्चशिलको आधारमा हुनुपर्ने सर्वमान्य मान्यता कुल्चदै संविधान मौन रहेको बताउंनुभयो ।
प्रदेशसभाका उम्मेदवार गुप्ताले मुलकलाई स्वतन्त्र र सम्बृद्ध बनाउन १९५० असमान सन्धी खारेज, विप्पा खारेज, भ्रष्टाचारीलाई कारबाही गर्न शसक्त काननु बनाउने, १२ कक्षा सम्म निःशुल्क गर्ने, हरेक प्रदेशमा अस्पताल बनाउने र बैज्ञानिक भुमिसुधार लागु गर्ने प्रतिवद्धता जनाउंनुभयो । 
गुप्ताले यस क्षेत्रलाई व्यापारीक राजधानीको रुपमा विकास गर्न उद्योग कलकारखाना लगायत विदेश पलायन युवाहरुको रोजगारी सृजना गर्ने बताउंनुभयो । प्रदेशसभाका उम्मेदवार गुप्ताको चुनावी माहौल सवल रहेको अवस्थामा उनका प्रतिस्पर्धी आफुलाई कमजोर महसुस गरिरहेको छ ।   सिरहा क्षेत्र नं. १ मा बामगठबन्धनबाट लगनलाल चौधरी, मधेशवादी गठबन्धनबाट बैद्यनाथ साह, कांग्रेसका सन्तोष चौधरीले उम्मेदवारी दिएका छन् । यस क्षेत्रका उम्मेदवारहरुबीच कडा प्रतिस्पर्धा रहेको छ ।

रक्सीसहित एक गाडी प्रहरी नियन्त्रणमा
सिरहा, ८ मंसिर । जिल्ला प्रहरी कार्यालय सिरहाले वेवारिसे अवस्थामा रहेको रक्सिसहितको गाडी सिरहा नगरपालिका वडा नं. २१ बाट बरामद गरेको छ । जिल्ला प्रहरी कार्यालय सिरहाका अनुसार मंगलबार सिरहा नगरपालिकाको वडा नं. २१ स्थित बेलुकी अन्दाजी २ बजेको समयमा लक्ष्मीनियादेखि भारतको जोगिया जाने सडक खण्डमा स १ च ११८३ नं. मो महेन्द्रा बोलेरो पिकअप गाडीमा दिलवाले सोफी ५० कार्टुन र गोल्डेन ओक ११ कार्टुन समेत लोड गरिएको अवस्थामा ५ लाख ७७ हजार ९ सय ४० मुल्य बराबरको रक्सी र गाडी फेला परेको छ । फेला परेको गाडी र रक्सी आवश्यक कारवाहीको लागि बुधबार जिल्ला भन्सार कार्यालय खैरटोका माडर सिरहामा बुझाइएको जिल्ला प्रहरी कार्यालय सिरहाले जनाएको छ ।

चुनावको मुखमा दलहरुको लक्षित गर्दै बम विस्फोटन

लहान ८ मंसिर । निर्वाचन नजिकिंदै क्रममा सिरहालगायत विभिन्न ठाउंमा बम विस्फोटनको घटना घटेको छ । सिरहा क्षेत्र नं. ४ मा  मिर्चैयामा बामगठबन्धनको चुनावी सम्पर्क कार्यालयमा आज ३ः४५ बजेको  समयमा  बम बिस्फोट भएको छ । 
बम बिस्फोटबाट कुनै किसिमको भौतिक तथा मानविय क्षति नभएको साथै बिस्फोट भएको ठाउँमा जनतान्त्रिक मुक्ति मोर्चा (गोइत समुह)का पर्चा फेला परेको इलाका प्रहरी कार्यालय मिर्चैयाका डिएसपी गजुसिद्धी बज्राचार्यले बताएका छन् । 
संघीय समाजवादी फोरम, नेपालको सिरहा जिल्ला प्रतिनिधि सभा क्षेत्र २ को उम्मेदवार शत्रुघन महतोको गाडीमा फेला परेको वंमको जिम्मा विज्ञप्ती मार्फत गोईत समूहले लिएको छ ।


धनगढीमाई नगरपालिकाको वडा नं. ७ मा घरदैलोे गर्ने क्रममा शुक्रबार फुलकाहामा आज दिउसो ४ बजे कुकर वंम फेला परेको छ  ।
उक्त विस्फोटको जिम्मेवारी अखिल तराई मुक्ति मोर्चाले लिएको छ । जयकृष्ण गोइत नेतृत्वको मोर्चाले निर्वाचनको विरोधमा वंम राखेको जनाएको छ । 
मसिर ३ गते आईतबारका दिन अपरान्ह ३ बजे  सिरहा जिल्ला प्रतिनिधि सभा क्षेत्र २ को प्रत्यासी शत्रुघन महतो घर थाना चौक गोलबजामा संघीय समाजवादी फोरम, नेपालको अध्यक्ष उपेन्द्र यादव र शत्रुघन महतो यात्रा गर्ने गाडीमा प्रेसर कुकर बम राखेको गोइतको विज्ञप्तीमा उल्लेख छ ।

कुटपिटको आरोपमा बुबाआमा पक्राउ
लहान, ८ मंसिर ।  दूई महिलालाई जवरजस्तीको प्रयास गर्ने देब पुर्बेका आमाबुबालाई प्रहरीले पक्राउ गरेका छन् । यसअघि उनी बिरुद्ध मुद्दा दर्ता गराएपछि पीडित किशोरी र आमालाई कुट्ने पुर्बेका बुबा आमालाई प्रहरीले पक्राउ गरेको छ । कुटपिटमा संलग्न रहेको आरोपमा पक्राउ पर्नेमा सिराहाको लाहान नगरपालिकाका पुर्बेका बुबा प्रधुवन पुर्बे, कल्पना पुर्बे, प्रमिला साह रहेका छन् । कुटपिटमा संलग्न दुईजना मुनी पुर्बे, रेखा पुर्बे र सन्तोष साह फरार रहेका छन् । उनीहरूलाई प्रहरीले मंगलबार पक्राउ गरेको बताइएको छ । उनीहरूलाई अदालतबाट म्याद थप गराई प्रहरीले थप अनुसन्धान गरीरहेको ईलाका प्रहरी कार्यालय लहानले जनाएको छ । पुर्बेका आमा, बाबु,दिदि बहिनीले पीडित किशोरी र उनकी आमालाई सोमबार गाली गलौज गर्दै मरासन्न हुने गरी कुटपिट गरेका थिए । गत कार्तिक ९ गते राती छठको अवसरमा आयोजित नाच हेर्न जाँदा छिमेकी सन्तोष भन्डारी र देब पुर्बेले किशोरी दिदीबहिनीलाई जबरजस्तीको प्रयास गरेका थिए । पुर्बे ईलाका प्रशासन कार्यालय लहानमा करारमा कार्यरत कर्मचारी हुन् । घटनापछि पीडितले जबरजस्ती करणी उद्योग अन्तर्गत मुद्दा दर्ता गराएका थिए । जबरजस्ती गर्न खोज्ने देब पुर्बे र सन्तोष भन्डारी अहिले पनि फरार रहेका छन् ।
अर्को छिमेकीसंग समान्य जग्गाको बिषयमा बिबाद भईरहेको समयमा पिडक पुर्बेका परिवारै सबै आएर घरमा कोही नभएको मौका छोपी किशोरी र उनकी आमालाई सोमबार मरणासन्न हुने गरी कुटपिट गरेका थिए ।
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

hama TMT
बिचार/ब्लग
समाजिक परिचालक समायोजन समस्या कि उपलब्धी ?
 चन्दन कर्ण, बर्तमान अवस्थामा मुलुक लोकतान्त्रिक गणतन्त्र सहित सघिंय संरचनामा प्रविष्ट भइसकेको छ । विगत २० वर्षको दिशाहिन र गतिहीन यात्रा गर्दै आएको विकासले थुप्रै आरोह र अवरोह सहितको बाटोहरु पार
हजारौ ढुंगेलहरूमा समर्पित
                           रामेश्वर यादव  जनताको रोटी खाएर हतियार उठाउनु धोका हो, यदि उठाउने हो भने जनताको मुक्ति बिना हतियार बिसाउनु
फिचर
moment1
 लहान, २७ फागुन । आज ( फागुन २७ गते शुक्रवार) सार्वजनिक गरिएको सिरहाको स्थानीय निकायको विवरण यस प्रकार रहेको छ । सिरहाको गाढा र गोविन्दपुर मलहनिया गाविसलाई लहान नगरपालिकामा समायोजन
moment1
  लहानमा बालिकामाथी प्रहरीको प्रहार, एमाले  समर्थकलाई समाजिक वहिष्कारको चेतावनी र गृहमन्त्रीलाई प्रहरी प्रमुखको मुखामुख जवाफ लहान, २५ फागुन । सप्तरीमा प्रहरीद्वारा गरिएको नसंहारको विरोधमा आज लहानमा गरिएको बन्दको क्रममा दूई बालिका
moment1
  ‘कटि ना जिनगिया अब तोहरा बिन,सपना अधुरा हमरा रहि जाई,ऐसे बहुत सारे गीतो से युवाओं के दिल और दिमाग मे खलबली मचा देती हैं.ये चर्चित नवकली जो धार्मिक और आधुनिक
moment1
 लहान, ६ मंसिर । समाजिक सुरक्षा भत्ता वितरण कार्ड पुरानै रहेकोले लहान ४ की ७३ बर्षीया देवकीदेवी ठाकुर बरहीले ज्येष्ठ नागरिकले पाउंने भत्ताबाट बंचित हुंदै आएकी छीन् । देवकी एकल

अन्तर्वार्ता