नेपाली समय:
अडियो सेवा
मोडेल
नेपाली पात्रेा
अन्य
राष्टिय स्तरका लिकं
फोटो फिचर
Jun 01, 2017
म्यादी प्रहरी आन्दोलित, खान बस्नको समस्या
 लहान, १७ जेठ । स्थानीय तहको निर्वाचनको लागि सिरहाले छनौट गरिएका म्यादी प्रहरीले बुधबार लहानमा आन्दोलित भएका  छन् । सिरहा प्रहरी कार्यालयले छनौट गरी सप्तरी जिल्लामा खटिएका म्यादी प्रहरीले इलाका प्रहरी कार्यालय लहान अगाडि आएर आन्दोलन गरेका हुन् । 
म्यादी प्रहरीका लागि नेपाल सरकारले उपलब्ध गराएको पोशाकमै जिल्ला प्रहरी कार्यालय सिरहा विरुद्ध उनीहरु आन्दोलन गरेका हुन् । सिरहामा छनौट भइ सप्तरीमा खटिएका मध्ये ८० जना म्यादी प्रहरीले बुधबार दिउंसो इलाका प्रहरी कार्यालय अगाडि भेला भएर सप्तरीमा खटिदा खान र बस्न नदिएको भन्दै छनौट गरेर गलत ठाउंमा पठाएको आरोप लगाएका छन् । उनीहरु जिल्ला प्रहरी कार्यालय सप्तरी अन्तर्गतका इलाका प्रहरी कार्यालय रुपनी, कल्याणपुर लगायतका ठाउंमा खटिएका थिए । 
सप्तरी स्थित इलाका प्रहरी कार्यालय रुपनीबाट करिब २५ किलोमिटर दुरी पार गर्दै म्यादी प्रहरीहरु आफ्नो पोशाकमै पैदल हिडेर इलाका प्रहरी कार्यालय लहान आइपुगेका थिए । 
छनौट पश्चात  सप्तरीमा खटाइएको म्यादी प्रहरीलाई खान र बस्न नदिएको आरोप लगााएका छन् । उनीहरुले आफूहरुलाई प्रहरी कार्यालयमा बस्न नदिएको, खानालाई जहां मन लाग्छ, त्यही जाउ भनेर हप्काउने गरेको आरोप रहेको बताए । आन्दोलनमा उत्रिएको प्रहरीले नेपाल प्रहरीले म्यादी प्रहरीमा खटिएका महिलाहरुलाई जिस्काउने गरेको, डियुटीमा खटिदा नेपाल प्रहरीसंगै नगएको लगायतका आरोप लगाएका छन् । निर्वाचनको विरोध गर्दै आएका राष्ट्रिय जनता पार्टी नेपाल सप्तरीले प्रहरीलाई कुनै पनि सामान सहयोग नगर्न आह्वान गरेअनुसार सप्तरीमा प्रहरी पोशाकमा रहेकाहरुलाई पसलले कुनै सामान बिक्री नगर्दा समस्या उत्पन्न भएको स्थानीयले बताएका छन् । 
इलाका प्रहरी कार्यालय लहानका प्रहरी नायब उपरीक्षक हिरा बहादुर पाण्डेले म्यादी प्रहरीले लहानमा गरेको आन्दोलनको कुनै अर्थ नभएको बताएका छन् । उनले भने –‘म्यादी छनौट जिल्ला प्रहरी कार्यालय सिरहाले गरेको हो , भने उनीहरुलाई जिल्ला प्रहरी कार्यालय सप्तरीमा खटाइएको हो । 
सप्तरीमा के भयो उनीहरुले किन आन्दोलन गर्ने जवाफ जिल्ला प्रहरीसंग लिनुस् म संग हैन ।’ तर जिल्ला प्रहरी कार्यालय सिरहाका प्रहरी प्रवक्ता तथा प्रहरी नायब उपरीक्षक विश्वमणि पोखरेलले म्यादी प्रहरीले गरेको आन्दोलनबारे आपूmलाई कुनै जानकारी नभएको बताएका छन् । उनले आफुलाई यस विषयमा लहान प्रहरीले कुनै जानकारी नगराएको प्रतिक्रिया दिए । दोस्रो चरणको निर्वाचनको लागि अन्य जिल्लाबाट थप मद्दतमा आएका नेपाल प्रहरीलाई समेत सिरहामा समस्या भएको छ । सरकारले दोस्रो चरणको निर्वाचनको मिति पटक पटक परिवर्तन गरेपछि थप मद्दतको लागि आएका नेपाल प्रहरीलाई खान र बस्न समस्या भएको हो । 
थप मद्दतका लागि भोजपुर, खोटाङ्ग लगायतका पहाडी जिल्लाबाट सिरहामा खटिएका प्रहरीलाई स्थानीय प्रहरी कार्यालयहरुले खानलाई आफै व्यवस्था गर्न भनेपछि उनीहरु समस्यामा परेका हुन् । भोजपुरबाट थप मद्दतका लागि आफ्ना टोली सहित लहानमा खटिएका प्रहरी निरीक्षकले भने –‘आफूहरु निर्वाचन सम्मका लागि मात्रै लहानमा आएका छौं । तर स्थानीय प्रहरीले आफूहरुलाई जहा मन लाग्छ त्यहा गएर खानुस् भन्छ । मधेसमा आन्दोलन चलिरहेकाले पसलमा प्रहरीलाई कसैले खान दिदैन ।’ निर्वाचन गराउनलाई थप मद्दतमा विभिन्न जिल्लाबाट सिरहामा करिब ५ सय प्रहरी खटिएको जिल्ला प्रहरी कार्यालय सिरहाले जनाएको छ । 
 


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

hama TMT
बिचार/ब्लग
समाजिक परिचालक समायोजन समस्या कि उपलब्धी ?
 चन्दन कर्ण, बर्तमान अवस्थामा मुलुक लोकतान्त्रिक गणतन्त्र सहित सघिंय संरचनामा प्रविष्ट भइसकेको छ । विगत २० वर्षको दिशाहिन र गतिहीन यात्रा गर्दै आएको विकासले थुप्रै आरोह र अवरोह सहितको बाटोहरु पार
हजारौ ढुंगेलहरूमा समर्पित
                           रामेश्वर यादव  जनताको रोटी खाएर हतियार उठाउनु धोका हो, यदि उठाउने हो भने जनताको मुक्ति बिना हतियार बिसाउनु
फिचर
moment1
 लहान, २७ फागुन । आज ( फागुन २७ गते शुक्रवार) सार्वजनिक गरिएको सिरहाको स्थानीय निकायको विवरण यस प्रकार रहेको छ । सिरहाको गाढा र गोविन्दपुर मलहनिया गाविसलाई लहान नगरपालिकामा समायोजन
moment1
  लहानमा बालिकामाथी प्रहरीको प्रहार, एमाले  समर्थकलाई समाजिक वहिष्कारको चेतावनी र गृहमन्त्रीलाई प्रहरी प्रमुखको मुखामुख जवाफ लहान, २५ फागुन । सप्तरीमा प्रहरीद्वारा गरिएको नसंहारको विरोधमा आज लहानमा गरिएको बन्दको क्रममा दूई बालिका
moment1
  ‘कटि ना जिनगिया अब तोहरा बिन,सपना अधुरा हमरा रहि जाई,ऐसे बहुत सारे गीतो से युवाओं के दिल और दिमाग मे खलबली मचा देती हैं.ये चर्चित नवकली जो धार्मिक और आधुनिक
moment1
 लहान, ६ मंसिर । समाजिक सुरक्षा भत्ता वितरण कार्ड पुरानै रहेकोले लहान ४ की ७३ बर्षीया देवकीदेवी ठाकुर बरहीले ज्येष्ठ नागरिकले पाउंने भत्ताबाट बंचित हुंदै आएकी छीन् । देवकी एकल

अन्तर्वार्ता