साउन १ गते नवसंग्राम दैनिकको कार्यालयमा आईपुग्नु भएका साहले कमल थापा, चित्रबहादुर केसी जस्ता प्रतिगमनकारीहरुसंगको सांठगाठ तोडर गणतन्त्रवादीहरुका साथ आएकोले नेकपा माओवादीका अध्यक्ष प्रचण्डप्रति हाम्रो समर्थन रहेको बताउंनुभयो । उहां साहले देशको राजनीतिक समस्या समाधान नगर्न कांग्रेस र माओवादी नै जिम्मेवारी रहेको भन्दै संविधान संशोधन गरी यथाशिघ्र राजनीतिक समस्या समाधान गर्नुपर्छ बताउंनुभयो । अध्यक्ष साहसंगको छलफलमा जारी संविधानमा ५३ वटा धारा संशोधन गर्नुपर्छ बताउंदै संविधानमा मधेश आन्दोलन उल्लेख हुनुपर्छ । महिलालाई ५० प्रतिशत आरक्षणको व्यवस्था गर्नुपर्छ । पूर्ण समानुपातिक, मेचीदेखि महाकालीसम्म दूई प्रदेश र पहाडमा ७ प्रदेश बनाउंनुपर्छ । सैनिकमा जातीय र क्षेत्रीय आधारमा प्रतिनिधित्व गर्नुपर्छ र राज्यको सम्पूर्ण अंगमा समावेशिको आधार तयार गर्नुपर्ने उहां साहले बताउंनुभयो ।