नेपाली समय:
अडियो सेवा
मोडेल
नेपाली पात्रेा
अन्य
राष्टिय स्तरका लिकं
फोटो फिचर
Apr 27, 2015
भुकम्पको कारण खुल्ला आकाशमुनि आश्रय, जीवन कष्टकर, भुकम्पको त्रासले तपाईलाई बेचैनी भयो ....यसो गर्नुस्
लहान । पटक पटक भूकम्प आउंने गरेको कारण यहांका मानिस त्रसित भएका छन् । शनिबार बिहान ११ बजेर ५६ मिनेटमा आएको ७ दशमलव ६ रेक्टरको ठूलो भूकम्प र त्यसको २४ घण्टा पछाडिसम्म कयौं पटक आएको भूकम्पले त्रसित मधेश पहाड र काठमाडौंका मानिसहरु आफ्नो घर डेरा छाडेर खुला आकसमुनी आश्रय लिएका छन् । खाना, पानी, ट्वाइलेट जस्ता समस्याले बाहिरको बास कष्टकर बनेको छ । यसमा पनि काठमाण्डौंमा  बर्षा भइरहेको कारण झन कष्टकर बनेको अवस्था छ । लहान लगायत मधेशका शहरबजारका मानिस  खुल्ला एवं स्कूल चौरलगायतको ठाउंमा बास बस्दै आएका छन् ।
    उपत्यकाका सबै फराकिला सडक, चौर, सार्वजनिक स्थल, स्कुल सरकारीकार्यालयका प्रांगण सबै भरिएका छन् । टुडिखेलमा मात्र हजारौंले आश्रय लिएका छन् । उनीहरु पाल टाँगेर बसेका छन् । रेडक्रस, नेपाली सेना र प्रहरी सहित अन्य गैर सरकारी संस्थाहरुले आश्रयमा सघाएको छ । पहिलो रात अस्तव्यस्त ढंगले बिताएकाहरुले दोस्रो रातको बसाईलाई पाल टाँगेर ओढ्ने ओछ्याउने व्यवस्थापन मिलाएर थोरै व्यवस्थित बनाउने प्रयास गरिरहेका छन् । मानिसहरु आफ्ना जहान, बालबालिका, वृद्ध वृद्धालाई लिएर खुला चौरमा पुगेका छन् । जताततै खुलास्थानमा पुग्नेहरुको लाईन देखिएको छ । शनिबार राति खुला आकाशमुनी रात बिताएका उपत्यकावासीलाई आईतबार ६ दशमलव ७ रेक्टरको आएको अर्को भूकम्पले थप त्रसित बनाएको हो ।
    लहानको पशुपति उच्च मावि, रघुनाथपुर स्कूल, सडक कार्यालयको चोरलगायत विभिन्न खुल्ला ठाउंमा बास बस्न त्रिपाललगायतको खानासमेतको व्यवस्था मिलाएर बसेका छन् । घरको अगाडि सडकमा रात समेत विताउने गरेका छन् । तिनकुनेदेखि माईतीघरसम्मको सडक पेटी र वारमा सर्वसाधारण बसेका छन् । संविधानसभा भवन, सिभिल अस्पताल,सिंहदरवार, नारायणहिटी दरवारको केही क्षेत्र पनि आश्रय स्थलका लागि प्रयोगमा दिइएको छ । सिंहदरवार र नारायणहिटीको पर्खाल भत्किएर पनि आश्रय लिनेहरुलाई सजिलो बनाई दिएको छ । विमानस्थल नजिको गल्फ कोर्ट, तिनकुनेको पार्क, पानीपोखरीको पार्क सबै आश्रय स्थल बनेका छन् । गाडीहुनेहरु गाडीलाई खुला चौर वा सडकमा राखेर त्यसैलाई आश्रयस्थल बनाएका छन् । भारतीय सहित विदेशी सञ्चार माध्यमका प्रतिनिधीहरुको उल्लेख्य उपस्थिति काठमाडौंमा देखिएको छ ।
    सैनिक मुख्यालय परिसरमा बसेका हजारौं व्यक्तिलाई सेवा पुर्याउने प्रयास गरिरहेका पशुपति मारवाडी सेवा समितिका नरेश अग्रवाल प्राकृतिक प्रकोपले धनी गरिब एंव उच्च र नीच भनिएका जातिबीच विभेद हटाएको बताए । ’सब एकै  ठाउँमा बसेका छन्  सँगै खाएका छन, अग्रवालले भने । समितिले सोमबार बिहान सबैका लागि खानाको व्यवस्था मिलाएको थियो ।
    टुडिखेलमा रामदेवको योग शीविरका लागि ओछ्याएका कार्पेटलाई सर्वसाधारणले पालको रुपमा प्रयोग गरेको संजिव झाले बताए ।
    यस्तै, सुखीपुर, सिरहा, गोलबजार, मिर्चैया, राजविराज, कल्याणपुर, विराटनगर, जनकपुर, विरगन्जलगायतको क्षेत्रमा बाहिर खुल्ला ठाउंमा बास बस्न पाल टागेर बसेका छन् ।
    उता, बिनासकारी भूकम्पका कारण ज्यान गुमाउनेको संख्या तीन हजार २ सय भन्दै धेरै रहेको पुष्टि भएको छ । सरकारले दिएको पछिल्लो जानकारी अनुसार देशभर ज्यान गुमाउनेको संख्या तीन हजार २ सय भन्दा धेरै पुगेको हो ।
उपत्यकाका तीन जिल्ला काठमाडौं, ललितपुर र भक्तपुर तथा उपत्यका बाहिरका जिल्लामा गरी अहिलेसम्म तीन हजार दुई सय १८ जनाको ज्यान गएको पुष्टि भएको गृह मन्त्रालयका प्रवक्ता लक्ष्मिप्रसाद ढकालले जानकारी दिनुभयो ।
    यस्तै भूकम्प प्रभावित देशभरका विभिन्न ठाउँमा गरी अहिले ६ हजार ५ सय ३० भन्दा धेरै घाइते भएको गृहका प्रवक्ता ढकालले जानकारी दिनुभयो ।  शनिबार र आइतबार गएको ठूलो भूकम्प तथा त्यसपछि आएका भूकम्पको धक्काका कारण ठूलो मात्रामा मानवीय तथा भौतिक क्षति भएको छ । भूकम्प प्रभावित सबै क्षेत्रमा उद्धार तथा राहातको कामलाई तीव्रता दिएको सरकारले जनाएको छ ।
    अर्थमन्त्री रामशरण महतले मृतक परिवारलाई ४० हजार रुपियाँ उपलब्ध गराउने बताएका छन् । मन्त्रिपरिषद् बैठकपछि संचारकर्मीसंग भने,’भूकम्पका कारण ज्यान गुमाउनेका परिवारलाई राहतस्वरुप ४० हजार रुपियाँ उपलब्ध गराउने सरकारले निर्णय गरेको छ । उनले  सर्वसाधारणलाई विपतको घडीमा नआतिकन बस्न आग्रह गरेका छन् । सरकारको पछिल्लो तथ्यांकअनुसार हालसम्म मृतकको संख्या २४ सय नाघेको छ । घाइतेको संख्या ६ हजार नाघेका छन् । उद्धार कार्य जारी छ ।

          भुकम्पपछि पहिरो,कोशी मार्ग अबरुद्ध

    धनकुटा । भूकम्प पछि गएको पहिरोले कोशी राजमार्गको भेडेटार मूलघाट खण्ड अबरुद्ध भएको छ । भेडेटार ४ कार्की छापमा गएको पहिरोका कारण धनकुटा, तेह्रथुम, संखुवासभा भोजपुर लगायत कोशी पहाडी जिल्लामा यातायात अबरुद्ध भएको हो ।
बिहानसम्म एकतर्फी यातायात संचालन भएपनि माथिबाट फेरी पहिरो खसेपछि यातायातका साधन चल्न सकेका छैनन् । सडक विभागको स्काभेटरको सहायतामा नेपाली सेनाले अबरुद्ध सडक खुलाउने प्रयास गरिरहेको छ । पहिरो खस्नेक्रम जारी रहेकाले यातायात संचालन गर्न केहि समय लाग्ने उप सेनानी सन्तोष उपाध्यायले बताए । कच्ची कर लगायतका संरचनामा सामान्य क्षति पुगेपनि कुनै मानवीय क्षति नभएको धनकुटाका प्रमुख जिल्ला अधिकारी बिजयनारायण मानन्धरले बताए ।

भुकम्पमा समाजिक संजालको सहयोग

लहान । विश्वकै ठुलो जनसंख्याले प्रयोग गर्ने सामाजिक सञ्जाल फेसबुक र चर्चित सर्च इन्जिन गुगलले नेपालमा भएको विनाशकारी भुकम्पमा सहयोग पुरियाउने उद्येश्यले आ–आफ्ना टुलहरु प्रयोगमा ल्याएका छन् ।
    सामाजिक सञ्जाल फेसबुकले ‘भिजिट सेफ्टी चेक’ र सर्च  इन्जिन गुगलले ‘पर्सन फाइन्डर’ नामको टुलहरु प्रयोगमा ल्याएका हुन् ।
    फेसबुकको सेफ्टी चेक टुलले आफु सुरक्षित रहेको खबर अरु आफन्त र साथिभाईसम्म पुर्रुयाउन सहयोग गर्दछ भने, गुगलको पर्सन फाइन्डरले कुनै व्यक्तिको नाम टाइप गरेर सर्च गरियो भने उसको तत्कालिन अवस्थाको बारेमा जानकारी दिन्छ । यदि कुनै खबर भेटिएन भने व्यक्ति अज्ञात रहेको जानकारी भनेर अप्डेट गराउन मिल्ने सुविधा राखिएको छ ।
    त्यसैगरी नेपाल प्रहरीले पनि ९८५१२८१३६३ मा निशुल्क एसएमएस गर्न मिल्ने सुविधा प्रयोगमा ल्याएको छ ।
    एसएमएस गर्दा कोहि व्यक्ति समस्यामा परेको जानकारी वा आफै समस्यामा परेको भए उक्त नम्बरमा एसएमएस गर्न सकिने छ ।
     एसएमएस प्राप्त भएपछि विपद व्यवस्थापनको टोली उद्धार गर्न उक्त स्थानमा पुग्ने छ ।

    भुकम्पले पूर्वी मधेशमा पनि क्षति

लहान । भूकम्पले सिरहाको बलान खोला छेउमा जमिन फाटेको छ भने फुलवरियामा जमिन फाटिएर आफैं पानी निस्किरहेको बताइएको छ । सुखीपुरमा कटघरा पल्टिएर क्षति भएको छ भने लहान ३ मा विष्णुदेव साहको घरको छानामा क्षतिग्रस्त भएको छ भने वाल भत्किएर निर्माण कार्य अवरोध रहेको छ । यसैगरी, सप्तरीको राजविराज स्थित रहेको राज रंगशालाको कम्पाउण्ड वाल भत्किएर क्षति भएको स्थानीय विरेन्द्र यादवले बताए ।
    उता, आइतबार दिउँसो गएको भूकम्पका कारण रौतहटमा दुई जनाको मृत्यु भएको छ । मृत्यु हुनेमा रौतहट औरैया गाविस ७ की ८ वर्षीया रानीकुमारी माझी र रौतहट जटहरा ७ का ६५ वर्षीय शेख हाफिज रहेका छन् ।
    भूकम्प आएपछि अत्तालिएर भाग्ने क्रममा पोखरीको डिलबाट खस्दा माझीको डुबेर मृत्यु भएको हो । भूकम्प आएपछि घरबाहिर बसीरहेकाबेला स्थानीयको भागदौड मच्चिएको थियो । बालीका माझी पोखरीमा खसे पनि कसैले उद्धार गरेनन् ।
    यसैगरी शेख हाफिज भूकम्प आएलगत्तै डराएर अचेत भएका थिए । घर भित्रै बसीरहकाबेला आत्तिए बेहोस भएका उनको बेहोस अवस्थामै मृत्यु भएको प्रहरीले जनाएको छ ।
    शनिबार र आइतबार पटक पटक आएका भूकम्पको धक्काले रौतहटमा भौतिक संरचनामा पनि क्षति पुगेको छ । चन्द्रपुर नगरपालिका पौराहीमा अवस्थित ३३ फिट अग्लो महावेको मूर्ति ढलेर क्षतिग्रस्त भएको छ । पौराहीको यो क्षेत्र जिल्लाकै प्रमुख धार्मिक स्थल हो । यसैगरी ४ दर्जन बढी घरमा भूकम्पले क्षति पुगेको छ । स्थानीय घर भित्र जान सकेका छैनन् । उनीहरु खुला चौरमा बसीरहेका छन् । विराटनगरलगायतक्षेत्रमा समेत मानव क्षति भएको छ । यसैबीच शनिबार र आइतबार आएको भुकम्पमा परी पूर्वमा ज्यान गुमाउनेको संख्या ५० पुगेको छ भने हालसम्म २०५ जना घाइते भएका छन् । शनिबार आएको भुकम्पबाट सबैभन्दा बढी मृत्यु हुनेको संख्या ओखलढुङा र सोलु जिल्ला रहेका छन्। भुकम्पबाट सोलुखुम्बुमा २१ तथा ओखलढुङामा १७ जनाको मृत्यु भईसकेको छ। त्यसैगरी मृत्यु हुनेको संख्या सुनसरीमा ७, भोजपुरमा २ र ताप्लेजुङमा १ पुगेको छ ।
    भुकम्पले सोलुखुम्बु जिल्लामा पर्ने सगरमाथा आधार शिविरमा हिम पहिरोले पुरिएको अवस्थामा १७ जनाको शव फेला परेको हो । सुरक्षाकर्मीले सगरमाथा आधार शिविरबाट हिजो र आज बिहानसम्म करिब दुई सयजनाको उद्दार गरेका छन । भुकम्पबाट पूर्वमा घाइते हुनेको संख्या २०५ पुगेको छ । घाइतेहरुमा १२० पुरुष र ८५ महिला रहेका छन् । उनीहरुको पूर्वका बिभिन्न अस्पतालहरुमा उपचार भइरहेको छ । प्रभावित स्थानहरुमा सदरमुकाम तथा स्थानीय प्रहरी ईकाईहरुबाट प्रहरी टोली खटिगई उद्दार कार्य भईरहेको छ।


    भुकम्पको त्रासले तपाईलाई बेचैनी भयो ....यसो गर्नुस्

 पटक पटकको भूकम्प का कारण तपाईलाई रिंगटा लागि रहेको छ , वाकवाकी लाग्दै छ ,जतिखेर पनि भुई हल्लिएझै लाग्छ ,खान मन लाग्दैन,बाहिर हिडडुल गर्न मन लाग्छ ,एकैछिनमा बेचैनि बढछ । छोराछोरी र आफन्त सम्झिएर बेचैन हुनुहुन्छ ?
१. खुल्ला ठाउंमा पाल टाग्नुहोस । २. भैमा प्लाईवुड या तख्ताहरु मिलाएर ,राख्नुहोस र त्यसमाथि राडी सुकुल अथवा उपलब्ध चिज ओछ्याउनुहोस । ३. कागति पानी लगातार पिउनु होस । ४. बिरे नुन र कागती हलेको चिया पिउनु होस । ५. बारबार आकाश र भूईतिर नहेरिरहनु होस । ६. घण्टामा दश पटकसम्म लामो श्वास बाहिरभित्र गर्नुहोस ।
७. चिसो पानीले बारबार आप्mनु मुख । धुनुहोस आवश्यक परे नुहाउनु होस । ८. फफूल र जुस सेवन गर्नु होस चिनी कम खानुहोस । ९. पुरक कुम्भक र रेचक का विधिले प्राणयाम गरि रहनुहोस । १०. लामो स्वरमा ॐ कारको उच्चारण गर्नुहोस । ११ . आप्mनो सृंगारका ध्यान दिनुहोस १२. सेता या सामान्य हरिया कपडाहरु प्रयोग गर्नुहोस । १३ . मधुर गीत संगीत र भजनहरु सुनिरहनु होस १४ . बालबच्चा र परिवारका सम्पर्कमा बसिरहनु होस ।१५. शवाशनमा १० मिनटसम्म सुतिरहनु होस ।

    भुकम्प...नआत्तनुस्

आइतबार मध्यान्ह गएको भूइचालोको धक्कापछि विस्तारै धक्का कम हुँदै गएको छ । अमेरिकी भुगर्भ अनुसन्धान केन्द्र (युएसजिएस) का अनुसार नेपाली समय मध्यान्ह १२ बजेर ५६ मिनेटमा ६ दशमलव ७ रेक्टर स्केलको भूइँचालो गएको भूइचालोको धक्काहरु विस्तारै कम हुँदै गएको छ । अब ठुलो भुकम्प नआउने सानोतिनो भूकम्प भोलि ३ बजे सम्म जाने त्यसले कुनै असर नगर्ने हुदा अमेरिकी भुगर्भ्विदले नआतिकन ढुक्क भएर बस्न आग्रह गरेका छन्

    भारतीय फिर्तामा तादुरुकता,फेरी झट्का

भारतले भुकम्पपछि नेपालभित्र रहेका र बचाव कार्यमा जुटेका छन् । साथै भारतीय राहत एवं बचाव दल नेपालमा फंसेका भारतीयहरुलाई पनि बाहिर निकालिरहेको छ । नेपाल सरकारलगायत अन्य देशका सुरक्षाकर्मी सक्रिय रहेको जानकारीमा आएको छ ।
    यता, भारतको प्रभावित क्षेत्रमा पनि राहत र बचाव अभियान तिब्र पारेको छ । नेपालमा अहिलेसम्म भुकम्पमा ३२ सय भन्दा बढी मानिसको मृत्यु भएको पुष्टि भएको छ । भारतले यसमा १३ सैन्य र ३ सिविल एयरक्राफ्ट पठाएको छ । जसमा ५४० भारतीयको फिर्ता लगिएको छ । जबकि आइतवारको २३७ को काठमांडूबाट दिल्ली लगेको छ ।
    यसैबीच,शनिबार मध्याहृनपछि आएको भूकम्पको धक्का आउने क्रम अझै रोकिएको छैन । आइतबार मध्याहृन फेरि भूकम्पको धक्का महसुस भएको छ । लगातार भूकम्पको धक्का महसुस भइरहका कारण मानिसहरुको जनजीवन आतंतिक बनेको छ ।


काठमाण्डौंमा ज्वालामुखी निस्कन सक्ने

काठमाडौंको ईमाडोलमा जमिन मुनिबाट बालुवासहितको पानी निस्किएको छ । लगातारको भूकम्पपछि, त्यस क्षेत्रमा ज्वालामुखी निस्किन सक्ने हल्लाले स्थानीय बासिन्दा थप त्रसित बनेका छन् ।
    स्थानीय बासिन्दाको बारीको जमिन चिरिएर भित्रबाट बालुवा र पानी बाहिर निस्किएको छ ।
    १० रेक्टर स्केलको भूकम्प गएमा ज्वालामुखी जानसक्ने भन्दै स्थानीय  बासिन्दाले यथार्थ पत्ता लगाउनका लागि आग्रह गरिरहेका छन् । यसबारेमा थप पुष्टि हुन बाँकी छ ।



Attachments#
11138627_881101585284648_6036598381936814712_n.jpg (31 KB) Download
ten ma bas.jpg (27 KB) Download
11182124_464947253655568_1014775590542975007_n.jpg (15 KB) Download


प्रतिक्रिया पठाउनुस्
नाम
ईमेल
ठेगाना
प्रतिक्रिया
क्याप्चा   [Reload Image]
 
 

प्रतिक्रियाहरु



अरु समाचारहरु

hama TMT
बिचार/ब्लग
समाजिक परिचालक समायोजन समस्या कि उपलब्धी ?
 चन्दन कर्ण, बर्तमान अवस्थामा मुलुक लोकतान्त्रिक गणतन्त्र सहित सघिंय संरचनामा प्रविष्ट भइसकेको छ । विगत २० वर्षको दिशाहिन र गतिहीन यात्रा गर्दै आएको विकासले थुप्रै आरोह र अवरोह सहितको बाटोहरु पार
हजारौ ढुंगेलहरूमा समर्पित
                           रामेश्वर यादव  जनताको रोटी खाएर हतियार उठाउनु धोका हो, यदि उठाउने हो भने जनताको मुक्ति बिना हतियार बिसाउनु
फिचर
moment1
 लहान, २७ फागुन । आज ( फागुन २७ गते शुक्रवार) सार्वजनिक गरिएको सिरहाको स्थानीय निकायको विवरण यस प्रकार रहेको छ । सिरहाको गाढा र गोविन्दपुर मलहनिया गाविसलाई लहान नगरपालिकामा समायोजन
moment1
  लहानमा बालिकामाथी प्रहरीको प्रहार, एमाले  समर्थकलाई समाजिक वहिष्कारको चेतावनी र गृहमन्त्रीलाई प्रहरी प्रमुखको मुखामुख जवाफ लहान, २५ फागुन । सप्तरीमा प्रहरीद्वारा गरिएको नसंहारको विरोधमा आज लहानमा गरिएको बन्दको क्रममा दूई बालिका
moment1
  ‘कटि ना जिनगिया अब तोहरा बिन,सपना अधुरा हमरा रहि जाई,ऐसे बहुत सारे गीतो से युवाओं के दिल और दिमाग मे खलबली मचा देती हैं.ये चर्चित नवकली जो धार्मिक और आधुनिक
moment1
 लहान, ६ मंसिर । समाजिक सुरक्षा भत्ता वितरण कार्ड पुरानै रहेकोले लहान ४ की ७३ बर्षीया देवकीदेवी ठाकुर बरहीले ज्येष्ठ नागरिकले पाउंने भत्ताबाट बंचित हुंदै आएकी छीन् । देवकी एकल

अन्तर्वार्ता